May mga Tugtuging Hindi ko Malimot


MAY MGA TUGTUGING HINDI KO MALIMOT

O may mga tugtog na nagsasalita,
malungkot na boses ng nagdaralita;
pasa-bahay ka na ay nagugunita’t
parang naririnig saanman magsadya.

Langitngit ng isang kaluluwang sawi,
panaghoy ng pusong nasa pagkalungi;
laging naririnig sa bawat sandali
ang lungkot ng tugtog na mapawi’y hindi.

Ikaw baga’y daing ng nakaligtaan?
Ikaw baga’y hibik ng pinagtaksilan?
Matutulog ako sa gabing kadimlan
ay umuukilkil hanggang panagimpan.

Oo, mayr’ong tugtog iyang mga b’yoling
tila sumusugat sa ating panimdim;
bawat isang tao’y may lihim na daing,
pinakakatawan sa b’yoling may lagim.

Sa lahat ng gabi sa aking pag-uwi,
kung ako’y hapo na na makitunggali,
ang bawat tugtugi’y kalulwa ng sawi
ako’y dinadalaw sa bawat sandali.

May isang tugtuging hindi ko malimot,
kinakanta-kanta sa sariling loob;
hiniram sa hangin ang lambing at lamyos,
awit ng ligayang natapos sa lungkot



PAGSUSURI NG TULA

    

    Sa aking pagkakaintindi, ang tunog ng kalungkutan ay hindi matatakasan ng sinuman, maging ito man ay isang malungkot na tunog o hindi. Mga kakaibang tunog na hinding hindi mo malilimutan at nahihirapang labanan. Tila ba ang tulang ito ay may lalaking humihingi ng tulong sa mga pinagdadaanan niya sa buhay, sa bawat tunog ay talagang napapawi ang kalungkutan. Ang buong tema ng tulang netong ito ay tungkol sa kalungkutan. Tunog ng luha at salitang maririnig mo lang sa dilim kapag ikaw ay mag-isa. Palaging may tunog ng kalungkutan at hindi natin ito matatakasan. Hindi mo nakikita ang iyong kalaban at para kang nakikipaglaban sa iyong sarili sa kalungkutan. Minsan, wala tayong magagawa kundi ang umasa sa ating sarili. Sa kasulukuyan, nararanasan ko rin ang tunog na ito, ang kalungkutan na ayoko na ulit maranasan sa dilim. 



Comments

Post a Comment

Popular posts from this blog

Ang Tren

Image
  ANG TREN Tila ahas na nagmula sa himpilang kanyang lungga, ang galamay at palikpik, pawang bakal, tanso, tingga, ang kaliskis, lapitan mo’t mga bukas na bintana. Ang rail na lalakara’y nakabalatay sa daan, umaaso  ang bunganga at maingay na maingay, sa Tutuban magmumula’t patutungo sa Dagupan. O, kung gabi’t masalubong ang mata ay nag-aapoy, ang silbato sa malayo’y dinig mo pang sumisipol at hila-hila ang kanyang kabit-kabit namang bagon. Walang pagod ang makina, may baras na nasa r’weda, sumisingaw, sumisibad, humuhuni ang pitada, tumetelenteng ang kanyang kampanada sa tuwina. “Kailan ka magbabalik?” “Hanggang sa hapon ng Martes.” At tinangay na ng tren ang naglakbay na pag-ibig, sa bentanilya’y may panyo’t may naiwang nananangis. PAGSUSURI NG TULA      Noong maunawaan ko ang tulang ito, bukod sa simpleng mensahe na naglalarawan sa isang tren na maglalakbay, naisip ko din na parang buhay ng tao ang inilalarawan na kung saan kahit di ganun kasaya ang mg...
Read more

Manggagawa

Image
  Manggagawa by  José Corazón de Jesús Bawat palo ng martilyo sa bakal mong pinapanday alipatong nagtilamsik, alitaptap sa kadimlan; mga apoy ng pawis mong sa Bakal ay kumikinang tandang ikaw ang may gawa nitong buong Santinakpan. Nang tipakin mo ang bato ay natayo ang katedral nang pukpukin mo ang tanso ay umugong ang batingaw, nang lutuin mo ang pilak ang salapi a lumitaw, si Puhunan ay gawa mo, kaya ngayon'y nagyayabang. Kung may ilaw na kumisap ay ilaw ng iyong tadyang, kung may gusaling naangat, tandang ikaw ang pumasan mula sa duyan ng bata ay kamau mo ang gumalaw hanggang hukay ay gawa mo ang krus na nakalagay. Kaya ikaw ay marapat dakilain at itanghal pagkat ikaw ang yumari nitong buong Kabihasnan..... Bawat patak ng pawis mo'y yumayari ka ng dangal, dinadala mo ang lahi sa luklukan ng tagumpay. Mabuhay ka nang buhay na walang wakas, walang hanggan, at hihinto ang pag-ikot nitong mundo pag namatay. PAGSUSURI NG TULA        Ang tulang ito ang isa sa ...
Read more

SINTESIS

Image
      Ang blog na ito ay ang koleksyon ng pagsusuri ng mga tulang natalakay sa subject na Great Books o GED117. Ang mga tulang kasama sa blog na ito ay ang mga gawa ni Jose Corazon de Jesus, "Manggagawa", "Puso, ano ka?", "Ang Buhay ng Tao", "Ang Tren", "Pag-ibig", at "May mga Tugtuging Hindi ko Malimot".      Imbes sa mga tulang nabanggit ko sa blog na ito ay marami pang mga tula si Jose Corazon de Jesus na mapagpupulutan ng mga makabuluhang mensahe at aral na maaari nating maiugnay sa kasulukuyan.     Una ay ang tulang "Manggagawa", ang aking napulot na mensahe dito ay ang pahalagahan natin ang ating manggagawa, subalit sa kanilang pangalan ay hindi natin alam na sa kanila tayo aasa sa kanilang mga nagagawa. Katulad ng mga magsasaka at mangingisda, sa kanila nakasalalay ang suplay ng ating pagkain. Ang mga doctor, o frontliner, sa kasalukuyan tayo ay umaasa sa kanila para tayo ay gamutin sa ating mga sakit lalo na ...
Read more